آمـــــــر و ســــم

آمر وسمْ

قبل الغرام وقبل ما اصير .. مغليك
أعاهدك ما اقول: غير ..( آمر وسمْ )

حتى لو إنك قلت: برحل .. وأخليك
بقول لك: تآمر على ماتبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لايهمك ماني بفيه .. مهتمْ

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وإن قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم أنا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف لـ اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

وأضيع في شِعرك .. ودافي أياديك
وأذوب بالوانك .. وروجك على الفمْ

أبيك تفهم ..!! يمكن أقبل تماديك
وأسامحك لا أخطيت .. وأقول: ماهمْ

لكن ..!! لو إنك قلت: برحل وأخليك!!
بقول لك أبشر .. على ماتبي .. تمْ

إنشاء الله تعجبكم القصيده

تحياتي: العيون الساهره.

قصيده في قمـــــة الروعــــــــــه

لكن تمنيت منكـ أن تكتبي من قائل القصيده ..

لي محاوله قد تنجح وفي الرد على بعض الأبيات الجميله

البيت :
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

الرد :
وإنْ نمت في عيني .. لاتنســـى .. بخبيك
تبقــى لك العين تحرس .. والرمش محرم

البيت :
أبيك تسرقني .. لروعة مراسيك
وأموت بك موتة غريق ٍ .. وسط يمْ

الرد:
وبسئلك .. لي شفت طيفـــي .. يناديك
وش حيلتكـ .. تصبر ..؟! ولا تقول : سمْ

وسلاااااااااااامتكــــــــمـ .. أتمنـــــى عجبتكمـ المحاوله ..

.

مشكور Mr.Parker على المرور و على المحاوله الرائعه Wink

.

وإن قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

رووووووووووعه

يسلمو على النقل الرائع

انا الصراحه عجبني المقطع اللي يقول

وإن قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

عجيب

مشكوره على القصيده

مشكورين على المرور cheers

البندري

حماده

نورتوا صفحتـــي .