[..خريف القلب..]

.
.

تبي تسمع غرابيلي وانا انشدها وبـ الحاني!!
تبي ترقص على طعنك وانا اصفّق واغنيلك!!

.
.

علي إنهج وناظرني.. مــ بين كثار.. وحداني
كأن مافي أحد حولي سوى أطلال تشكيلك

.
.

وش اذكرلك من همومٍ غدت سجني وسجّاني
وش اتركلك من جنانٍ أسرني وايش أحكيلك

.
.

يفر صوتك سما سمعي.. إذا نادتني أحزاني
واجي طاير على النيّة من اقصايه ألبّي لك

.
.

بلا موطن... احسّ اني... معك ضيّعت اوطاني
وشقى منفى.. توّلاني... بعد غيبة مراسيلك

.
.

دخيل الشوق والعشرة دخيل غيابك الجاني
دخيل اسراب حرماني وانا غرقان في ليلك

.
.

دخيلك كيف؟

بس قلّي!!

قدرت.. شلون.. تنساني?؟

وانا لامن حضر طيفك اضم الطيف.. وادعيلك!!

.
.

طلبت الله ينّسيني.... ملامحْ وجهك بـ ثاني
وكل وجهٍ.. لفى عقبك.. تفاصيله.. تفاصيلك!!

.
.

خريف القلب..يا بُعدك.. نزف أفراح أغصاني
وعصافير العنا طاحت.... على رجوى مناديلك

.
.

عجزت ايقن بعد فرقاك.. ان الكون ذا فاني
وزرع الصدق مايلزم احصْده من محاصيلك!

.
.

الله يعافيك خيتوو ..

ادري انها حزينه

عشان كذا حطيتها عشان اشوفكم وانتوا تصيحوا <<<< ترى البنت عندها كاشف احذروا

مشكورة على مرورك المنور ..

يسلمو ع القصيده

بصراحه قصيده في قمة الجمال

البندري

تسلمي البندري عالمرور ..

نورتينا بانوارك...