يقولون الزين بس لصبايا

((( احبه )))

ويقولون إن الزين بس للصبايــا

حكي الجياكر صدق ماخوذ خيره

عندي حبيب فيه كل المزايا

فوق الشهامه اشهد انه دميره

له ضحكة تسوى سواة وسوايا

و رزة عقال ماهي لحــدٍ غيـــــــره

وغمازتين هناك صوب الشفايا

و نظرات عينٍ يالخلايق خطيره

ودي اشوفه كل لحظه معايا

عيني بصيره بس إيدي قصيره

صرت ألمحه في عين كل الزوايا

واموت لاجا ذكراه بأي سيره

اترك عشانه كل عمري ورايا

وابني له بوسط الحشا ألف ديره

سبحان من خلى الحسن فيه آيه

قلبي هواه ومدري وش هو مصيره

من يوم شفته الوصل صار غايه

ورسمت في لحظه اماني كثيره

واظن اني تناسيت كل البلايا

وعيوبه صارت في عيوني صغيره

كحيان.. و منتف.. قليل العطايا

مير.. اشعر بظله كني أميرة

يرمي سهام العشق احسن رمايه

و ينيشن قليبي وينثر عبيره

كم مرة يحلف ماله سوايا

ولاجا يناديني ينادي سميـره

لكن أحبه يا بلاه وبلايا

وابقى اتحمل سلبيات كثيـره

لأني وهبته الروح وأجمل هدايا

حبي.. مع اخلاص.. على شوية غيّـره

وصرت اعذره و اهيم به في عمايا

واقول يرجع لي ويعقل مصيــره

جنن قلوب الناس و أحلى الصبايا

وجنن لي قليبي ملعوووووون خيـره ...!!

قصيده جميلة .. مع أني حاولت أعرف أسم الشاعر من أسلوب القصيده

ياليت في المرات القادمه يا أخت البندري تكتبين أسم الشاعر ,

حتى يستفيد القارئ من جمال القصيده ومعرفة الشاعر كذالك .

سلمت يداك ووفقك الله ,,,

.

مشكووورة اختـــي البندري على القصيــــدهـ, الرووعه

يسلمــــــــــــو على المرور